استحدثت الحكومة المصرية خدمات جديدة على بوابة مصر الرقمية، وهى التأمين الاجتماعى للمصريين فى الخارج، ومنها يستطيعون الاستعلام عن رصيدهم، لتسهل عليهم إنهاء كل مطالبهم التأمينية من خلال الإنترنت من الخارج.
ويمكن للمصريين فى الخارج دخول على موقع البوابة، واختيار خدماتها، ومنها يختار خانة الاستعلام عن رصيد العاملين بالخارج، وذلك بعد إنشاء حساب على البوابة.
وتتمثل خطوات الاستعلام عن الرصيد فى الدخول على بوابة مصر الرقمية واختيار خانة التأمين الاجتماعى، ومنها اختيار خانة الاستعلام عن رصيد العاملين بالخارج، وبعدها إنشاء حساب جديد، ثم كتابة الرقم القومى ورقم المصنع، على يسار «الرقم القومي»، وبعدها كتابة اسم الوالدة، ورقم الهاتف المحمول، وفى النهاية ستصلك رسالة على تليفونك المحمول بها 6 أرقام، لكتابة كلمة السر. للدخول للموقع إضغط هنا
رابط الاستعلام عن الرقم التأميني
الآن.. الاستعلام عن «الرقم التأميني» لأي مواطن على الإنترنت بالرقم القومى وانت بالمنزل دون الذهاب للتأمينات.
( كتابه الرقم القومى للموظف وكتابه الاسم الاول للام كما فى شهادة الميلاد الخاصه بالموظف ) برقمك القومي استعلم عن رقمك التأمينى ومدة الاشتراك والأجر وملف المعاش
خطوات الاستعلام عن الرقم التأميني
1_ الدخول إلى موقع الهيئة العامة للتأمين الاجتماعي والاستعلام عن الرقم التأميني اضغط هنا
2_ يتم إدخال البيانات الشخصية وهى بيانات الرقم القومى للمستعلم، والاسم الأول للأم.
3_ يتم النقر على أيقونة أنا لست روبوت.
4_ يتم الضغط على أيقونة إرسال الطلب.
5_ بعد إرسال الطلب تظهر بيانات الرقم التأميني.
ملحوظه هامه
تقدر تدخل تعمل register كمستخدم جديد و تقدر تراجع كل بياناتك التأمينية من خلال الرقم القومى من اول معرفة الرقم التأمينى نفسه الى المدة التأمينية الإجمالية و تفاصيل المدد المسددة حتى تاريخه.
الأول تدخل تعرف رقمك التأمينى بالرقم القومى من هنا
و بعدين تعمل تسجيل مستخدم جديد من هنا اضغط هنا
بعد كده تدخل هنا لمعرفة المدد التأمينية الخاصة بك :
ومن خلال الرابط التالي: اضغط هنا واتبع الخطوات
كيفية معرفة الرقم التأميني للمقيمين داخل مصر والعاملين خارج مصر
التأمينات الإجتماعية بصراحة عاملين عظمة لأن الموقع بيساعدك تعرف وضعك التأميني ، والشركة مأمنة عليك ولا لأ .. وبكام !؟
الموضوع عظيم ومفيد
فإليكم الخطوات التالية عشان تعرفو "بالتفاصيل" تأمينكم الإجتماعي...حضرتك لو معاك رقمك التأميني هتتجاهل الخطوة التالية وتدخل على إللي بعدها...
الخطوة الأولى:
هتدخل على اللينك ده اضغط هنا
تحط رقم البطاقة واسم الأم الأول بالعربي وتضغط على "إرسال الطلب"
هيظهرلك الرقم التأميني وشوية بيانات تانية.
الخطوة التانية:
هتدخل على اللينك ده اضغط هنا
هتنشئ حساب جديد وتأكده وتدخل عليه
هتدخل على اللينك ده اضغط هنا
هتلاقي جدول كده جميل فيه كل بيانات مدد التأمين بتاعتك.
الأهم بقى لأول مرة هتقدر تعرف تستعلم عن مدد الاشتراك في التأمين الإجتماعي والأجور الخاصة بكل مادة وحالتك التأمينية يعني الشركة اللي أنت فيها بتدفع لك تأمينات ولا لأ ولو بتدفع لك عاملة مرتبك كام في التأمينات وإجمالي المدة اللي أتأمن عليك فيها
غير كده هتقدر تتابع بشكل دوري وأنت قاعد على سريرك الشركة بتدفع لك التأمينات ولا لأ
طبعا علشان أوضح اهمية الموضوع زمايلنا اللي كان متأمن عليهم علشان يعرف حالته التأمينية كان بيلجأ لحل من اتنين الأول هو الإتصال بخدمة العملاء 16217 من الأحد إلى الخميس من الساعة 9 صباحا إلى 8 مساءا أو أنه يروح فرع التأمينات اللي متأمن عليه فيه ويعمل برنت تأمينات
يلا بينا ندخل على المهم
الخطوة الأولى بتدخل على موقع التأمينات الإجتماعية من هنا
الخطوة التانية بتختار الإستعلام عن الرقم التأميني بتكتب بياناتك الرقم القومي والأسم الأول للوالدة وبتعمل علامة صح قدم أنا لست برنامج روبوت وبتضغط إرسال الطلب
بيظهر لك الأسم واسم العائلة والرقم القومي والرقم التأمينى
بتاخد البيانات دي وبتحفظها عندك بأي طريقة وخصوصا الرقم التأمينى
الخطوة الثالثة هترجع للموقع الرئيسي اللي لينك موجود وهتختار مستخدم جديد من الشمال فوق
الخطوة الرابعة بعد ما تملأ كل البياناتفي صفحة التسجيل ولازم تكون صحيحة خصوصا الإيميل ورقم التليفون لأنه بيتم التأكيد عليهم برسائل قبل الموافقة على تسجيلك هتعمل صح قدام أنا لست برنامج روبوت وصح قدام أوافق على الشروط والأحكام وهتضغط تسجيل
الخطوة الخامسة هيوصلك إيميل تأكيد من التأمينات الإجتماعية على الإيميل اللي أنت كتبته في التسجيل هتختار الضغط هنا هيدخلك على صفحة تانية فيها أدخل كود التعريف وده بييجي لك رسالة على الموبايل بتكتب الرقم التأكيدي اللي وصلك على الموبايل وبتختار تأكيد الكود
الخطوة السادسة مبروك إتعمل لك حساب بنجاح
الخطوة السابعة هترجع للموقع الرئيسي اللي اللينك بتاعه فوق وتختار من فوق على الشمال تسجيل الدخول
الخطوة الثامنة هتكتب رقم البطاقة والباسورد اللي أنت كتبته في البيانات بتاعة تسجيل الحساب وتضغط تسجيل الدخول
الخطوة التاسعة هترجع للموقع الرئيسي وتدخل على مؤمن عليه وتختار الخدمات التأمينية أو حل أخر هتنزل تحت في خدمات تهمك وتختار الاستعلام عن مدد الاشتراك في التأمين الاجتماعي والاجور الخاصة بكل مدة
الخطوة العاشرة لو مشينا على الحل الأول هتختار برضه الاستعلام عن مدد الاشتراك في التأمين الاجتماعي والاجور الخاصة بكل مدة وتختار بدء الخدمة
الخطوة الحادية عشر هيظهر لك بياناتك وإجمالي المدد اللي أتأمن عليك فيها والشركات اللي أمنت عليك والفترة التأمينة
الخطوة الثانية عشر إنت دلوقتي عايز تعرف الشركة اللي أمنت عليك حاطة لك مرتب كام (الأجور اللي إتدفع لك تأمينات على أساسها) هتختار علامة i قدام اسم الشركة في الأخر
الخطوة الأخيرة بعد ما تختار علامة i هيظهر لك قائمة الأجور اللي الشركة بتأمن عليك بيها زدوهنا الصدمة هتلاقي في الغالب أجور ضعيفة جداً وأقل من مرتبك بكتير
تعليقات
إرسال تعليق