القائمة الرئيسية

الصفحات

ازاى تقدر تشترى شقه بسعر التكلفه في 10 خطوات بس

 

ازاى تقدر تشترى شقه بالتكلفه في 10 خطوات بس

١٠ خطوات علشان تقدر تبني شقتك

 بالتكلفة اقل من سعر السوق بدون خبايا ولا اسرار

١- هتشوف اراضي طرح جديد : ودا لان الاوفر المطلوب من المالك هيبقي لسه مش كبير ومفيش الاقبال الجامد من التجار لان التاجر والمقاول بيبتدي اغلب شغلهم في قرب تاريخ الاستلام ودا اللي بعد كده بيزود سعر الارض وبالتالي سعر الشقة



٢- هتشوف مقاول واستشاري يكونوا امناء وشطار وياريت لو معرفة سابقة علشان يحسبولك تكلفة المباني لكامل العمارة ( اللي بتبقي مكونة من ٨ وحدات)




٣- ابتدي قسم تكلفة الارض والمباني الي اقساط ربع او نصف سنوية علشان يبقي معاك جدول سداد للاقساط المطلوبة من حيث قيمتها ووقتها




٤- ابتدي اعرض الفكرة دي علي مجموعة من اصحابك ومعارفك وزمايلك المهتمين بامتلاك وحدة عقارية بالتكلفة




٥- مع اكتمال عدد المشاركين معاك بتشوف سمسار يجيبلك قطعة ارض مميزة وفي حدود الموازنة اللي انت محددها في الدراسة 




٦- مع اختيار الارض والسؤال علي ملكيتها واوراقها القانونية في الجهاز التابع ليه بتبدأ عملية تسجيل الارض بعمل توكيل من المالك ليك انت و شركاءك (لازم اسم الجميع يبقي في التوكيل لضمان الحقوق وملكية الارض)




٧- بنعمل عقود قسمة وتراضي لتحديد حصة كل شقة في الارض وكمان رقم الدور والشقة لكل مشارك وكمان تحديد مين بيمسك الاشراف علي المباني من حيث تجميع الاقساط ومتابعة المقاول والمكتب الهندسي 




٨- بتبدأ جدولة وقت المباني ومواعيد تجميع الاقساط ومدة المباني المستهدفة والتناسبة مع امكانيات الشركاء لان كل مالمدة طالت هيخفص القسط 





٩- البدء في اعمال التنفيذ مع اشراف جميع الملاك علي المراحل التنفيذية (الميزة انك بتعمل حاجة ليك ولاولادك فتجيب افضل خامات وافضل تنفيذ) وبرضه اوفر بكتير من السوق





١٠- مبروك عليك استلام شقتك بجودة فاخرة وتكلفة نص تمن السوق

انا اشتغلت في حدايق اكتوبر وحاليا اكتوبر الجديدة وفيه هناك فرص جميلة وعملت كل الخطوات اللي فوق دي واقدر اساعدك في اي خطوة فيهم بداية من اخيار الارض للدراسة والعقود وحتي الناس اللي هتساعدك في تسجيل الارض وشركة المقاولات وبدون مقابل لاني مابخدش مقابل عالاستشارات بناخد اتعاب فقط لو هنشتغل هنمسك الاشراف علي التنفيذ ودا انت وشركائك تقدورا تعملوه بدون الحاجة ليا او لغيري 

اكتبلي عن اي استفسار او سؤال كمان لو مش معاك ٨ يدخلوا معاك في العمارة راسلني ونحاول نجمع عدد وندخلكم مع بعض في عمارة تشتغلوها مع بعض باذن الله

هل اعجبك الموضوع :

تعليقات