اعترافات طالب أزهري

🗞️رسائل أحد الأعضاء🏆

تحية شكر وتقدير للازهر 💗

زمان وأنا في إعدادي وثانوي كده كانت كل علاقتي بمصطلح " الأزهر " هو انه حسبي الله ونعم الوكيل في الأزهر بيدونا ١٧ ماده وأصحابي في عام بياخدوا ٧ مواد ، حسبي الله ونعم الوكيل بيخلونا نمتحن شهر كامل ٣ ايّام في الأسبوع ، حسبي الله ونعم الوكيل تنسيق البنات أعلى من تنسيق الولاد ❤

كنت باخد دروس مع مدرسين عام وأفضل احكيلهم عن مدي مأساتي في الأزهر وأقول لصحابي بكل حزن انا ماعنديش عربي عندي نحو وصرف وبلاغه وادب  و مطالعه ونصوص 😑

كبرت واتحول الازهر في نظري من مكان مظلم حطم مستقبلي لمكان بني شخصيتي من جميع النواحي دينيا اول شئ وعلمياً ولغوياً حتي اجتماعياً 💙

في الأزهر من وانا في إعدادي عرفت درسنا حاجات كتير في الفقه يجهلها الناس ليومنا هذا ويجهلها الكبار قبل الصغار 💛

احنا درسنا فقه العبادات من صلاه وصوم وحج وطهارة درسنا فقه معاملات بيع وشراء وإيجار درسنا احكام فقهيه لزواج والطلاق والخلع وامور قد يري البعض انه عيب أولاده يدرسه احكام زي دي 💜

لكن درسنا كل شئ يجعلنا ملمين بكل جوانب الحياة من ناحية الدين 🌼

درسنا حديث وعلم حديث وعقيدة وفلسفة درسنا تفسير وسيرة حفظنا القران كامل ولو كبرنا ونسيناه بيفضل في ذهننا منه 💚

اتربينا في الأزهر علي عدم الاختلاط لحد الجامعه ، مستحيل تلاقي عندنا فان داي وبنات ولاد بيرقصوا سوا كده ❤

بالإضافة لكل ده ف هتلاقي عندنا علوم العصر كلها من طب وهندسة ولغات 💙

الأزهر لي حاليا احد النعم ال بحمد ربنا عليها عصمنا من الوقوع في بلاوي كتير 

طلع منا اجيال عارفين الدين كويس جدا مش كويس بس 💛

كبرنا وروحنا الجامعه ولاقينا ناس جايين من قارات تاني علشان بس تتعلم في الأزهر 

كبرت وأدركت ان الأزهر اعظم من تفكيري المحدود عن تنسيق وبتاع الأزهر زي اَي مكان في الدنيا بيقع في اخطاء وله سلبيات ، لكن لو إيجابيته الوحيدة هي اننا اتعلمنا فيه الدين وحفظنا القران ، فكفي والله 💜

فالحمدلله علي نعمة نشأتنا في الأزهر وانتمائنا له 

والكلام لا يوفي حق الأزهر علينا 💜 دخلو ولادكم الأزهر 

 #المعاهد_الازهرية #جامعة_الازهر