بعض النصائح والمعلومات للتعامل مع العداد مسبق الدفع

بعض النصائح والمعلومات للتعامل مع العداد مسبق الدفع 

١: عدم التلاعب نهائيا فى غطاء العداد حتى لا يفصل العداد

٢: التأكد من وجود رصيد كافى حتى لا تنقطع الكهرباء فجأة ورصيد العداد فى صفحة رقم ٢ سواء فى العداد الاسكرا أو الجلوبالترونكس 

٣: يعطى العداد إنذارات فى حالة وصول الرصيد ١٠ جنيه لمبة الرصيد تعطى لون احمر وهى أقصى لمبة على اليمين وانذار أخر لو الكهرباء قطعت يتم وضع الكارت فى العداد بدون شحن يعمل إلى أن تشحن ......

٤: يفضل الشحن فى اول اسبوع من الشهر عند شريحة واحد والشريحة تظهر فى صفحة رقم ٧ فى العداد الجلوبالترونكس أو الاسكرا .......

٥:أخر اسبوع فى الشهر يفضل توفيرالطاقة على قدرالمستطاع لأنك بتكون على أعلى شريحة ليك 

 ٦:الانتقال من شريحةإلى شريحة يتم خصم مبلغ من الرصيد على حسب الشريحة إللى هتوصلها

٧: عدم تشغيل العداد نهائيا أو لا يوجد علية حمل يتم خصم ٩ جنيه من الرصيد 

٨: تأكد من ضبط الوقت والتاريخ عند شحنتك الكارت ودا مهم جدا جدا

٩: العداد الكارت زى العداد العادى طريقة الحساب التجارى واحد ....

١٠: لو الكارت مبيشحنش > روح اشحن من شركة الكهربا مره علشان يتفعل ولو الكارت بايظ بيتغير من الشركة ب ٣٠ جنيه ..

١١: لو الكارت ضاع وعليه شحنة لم تفرغ بالعداد؟!

لا داعي للقلق كل عملية شحن بتسجل في ذاكرة العداد برقمها وقيمتها ولو ضاع الكارت وعليه شحنه لم تفرغ بالعداد بيتم استخراج كارت وعند برمجته بتسجل كل بياناتك وكذلك عمليات الشحن بأرقامها وقيمتها وعند تركيب الكارت بالعداد لو ذاكرة العداد وجدت عمليه لم تفرغ بالعداد يتم استقبالها بالعداد وتنفذ فورا..

١٢: هناك حل لو فصل العداد إنذار والكارت غير موجود بجانب العداد ؟

لو حضرتك في الشغل والكارت معاك وفصل العداد إنذار ممكن اللي في البيت يقوم بإدخال بطاقة رقم قومي أو فيزا بنك في العداد فيعود التيار الكهربائي فورا حتى عودتك بالكارت.

١٣: لو فتحت غطاء العداد سوف تدفع غرامة فتح الغطاء طبقا للرسوم المقررة بالشركة.

١٤: لايمكن تبديل مكانه أو تغيير الأسلاك المرتبطة به دون الرجوع لشركة الكهرباء

١٥: في حالة زيادة الأحمال عن المسموح به والمقدر بـ 80 أمبير يفصل التيار الكهربائي تلقائيًا، ولو تكرر لثلاث مرات يفصل التيار الكهربائي بالكامل، ولا بد من العودة لشركة الكهرباء لتشغيله مجددا ...،

باستخدام الزر الضاغط يستطيع المستهلك الحصول على عدد من البيانات تظهر على الشاشة ، مثل:-

" الرصيد المتبقى مع التاريخ والوقت، استهلاك الشهر الحالى بالكيلو وات ساعة، أقصى حمل بالأمبير والكيلو وات، استهلاك الشهر السابق و12 شهرا سابقا، الاستهلاك الكلى التراكمى من وقت التركيب، التاريخ باليوم والشهر والسنة والوقت، إظهار آخر حالة عبث وتلاعب بالوقت والتاريخ، رسائل نصية من شركة الكهرباء على الشاشة مثل قبول الكارت وزيادة حمل المشترك عن التيار المبرمج للعداد".

 ما هي الرسوم والمبالغ المالية التي يتم خصمها من قيمة الرصيد الذى يتم شحنه بعداد الكهرباء مسبوق الدفع للمنزلى 

↩️ خصم قيمة فرق الاستهلاك وهى عبارة عن:

- يتم خصم 24 جنيها من الرصيد الموجود بالعداد عندما يصل المستهلك إلى 101 كيلو وات ساعة.

- يتم خصم مبلغ 135 جنيها من رصيد العداد عند وصول كمية الاستهلاك إلى 651 كيلو وات ساعة.

- يتم خصم مبلغ 170 جنيها من رصيد العداد مسبوق الدفع عند وصول الاستهلاك إلى 1001 كيلو وات ساعة.

↩️خصم مقابل خدمة العملاء من الرصيد الموجود بالعداد ويتم حسابه كالآتى :

1- الشريحة الأولى من صفر إلى 50 كيلو وات ( جنيه).

2- الشريحة الثانية من 51 إلى  100 كيلو وات (2 جنيه).

3- الشريحة الثالثة من صفر حتى 200 كيلو وات (6 جنيهات).

4- الشريحة الرابعة من 201 إلى 350 كيلو وات (11 جنيها).

5- الشريحة الخامسة من 351 إلى 650 كيلو وات (15 جنيها).

6- الشريحة السادسة من651 إلى ألف كليو وات (25 جنيها).

7- الشريحة السابعة من يزيد عن 1000 كيلو وات (40 جنيها).

8- المقروء صفر (9 جنيهات).

فى حالة ظهور كلمة كارت " أحمال " علي شاشة العداد مسبق الدفع 

، هذا يعني ⬅️ زيادة أحمال العميل وتعدي الحمل لأقصي قدرة للعداد ويُلزم العميل تخفيض أحماله لإستمرار التيار ..

🔘 قدرة العداد الأحادي مسبق الدفع 80 أمبير أي يتحمل تركيب عدد 4 تكيفات بقدرة 1.5 حصان ... " دون مشاكل "

- في حالة زيادة الأحمال عن قدرة العداد .. يتم فصل التيار الكهربي لمدة خمس دقائق( للتنبيه ) ثم يعود للتيار . ويُلزم العميل تخفيض أحماله لإستمرار التيار ..

.، مع إستمرار الأحمال يتم فصل وعودة التيار لعدد ٣ مرات ثم يفصل ولا يتم عودة التيار إلا من خلال شركة الكهربا .

⬅️ الأمر الذي يتطلب تغيير العداد ( بعداد أقصي قدرة عداد ثلاثي الأواجة )

.،وذلك بعد تصفية مديونية العداد القديم ..، وسداد الرسوم وتكاليف المقايسة المقررة ..، وتتحدد وفق القدرة المطلوبة والمقايسة الفنية.

معلومه تهمك بخصوص عداد الكارت مسبق الدفع

العداد الكارت مسبق الدفع مبرمج بالوقت والتاريخ ويعود للشريحه الاولى مع أول دقيقه كل شهر ...

..، وهو بذلك يحقق لك عداله إستخدام لأنه فى نظام العداد القديم يتم محاسبتك بالشهر من مرور القارئ حتى مروره مره أخرى ... أما مسبوق الدفع فيعمل بنظام برمجى بالوقت والتاريخ محكم.

🗓 النهاردة أول يوم في الشهر ١ / ١٠ - حضرتك تقدر تشوف الشريحة بالعداد حالاً لأنها نزلت علي شريحه أولي ... 

.، وحاول تحافظ علي الإستهلاك علشان متدخلش في شريحه تانيه أو تالته علي طوول⁩⁦ ..

"في حالة لم تتغير الشريحة للأولي يبقي التاريخ مش مظبوط ويلزم تعديله ........ " بسيطة" ..

💳إشحن المرة اللي جاية بشركة الكهربا واطلب منه تعديل التاريخ عن طريق كارت الشحن ... بس اهم حاجة لما يقلب علي الشريحة الأولي عندك بالعداد ...✔️ 

 أهمية ضبط الوقت والتاريخ : 

▫️العداد مبرمج على عدم الفصل نهائياً الجمع والأجازات الرسمية وكذلك من الساعه 5 مساءاً وحتى ١٠ صباحاً .، وحتي لا يختلف التوقيت والعداد يفصل في وقت يصعب الشحن بها

▫️معرفة بيانات الإستهلاك والشحن الفعلية خلال الشهر ..

💡متستهونش ... وإختبر عدادك الكهربائى بنفسك من خلال الخطوات التالية :-

إفصل جميع أجهزة المنزل (فصل الفيش وليس مفاتيح اللوحة).

بالنسبة للعداد الميكانيكي والديجيتال يتم تسجيل قراءة العداد بعد فصل كافة الأجهزة.

العداد مسبق الدفع يتم تسجيل الرصيد المتبقى بالعداد بعد فصل كافة الأجهزة.

بعد 15 دقيقة من الفصل أعد تشغيل الأجهزة وسجل القراءة مرة أخرى أو المبلغ المتبقى.

إذا كانت القراءة ثابتة أو المبلغ ثابت فاطمئن

إذا تغيرت القراءة أو المبلغ المتبقى توجه للشركة لطلب فحص العداد معملياً.