انتشر في الآونة الأخيرة صور لرابط من موقع يوهمك انه تابع للبنك الأهلي. لكن الحقيقة غير ذلك. إقرأ السطور القادمه تجد التفاصيل الكاملة. ولا تنس مشاركة هذا المقال ليستفيد غيرك.
الموضوع مش باسورد ولا اختراقات
الموضوع ان فيه رابط بيجيلك من اى حد من اصحابك فيه صورة البنك الأهلي وبيقولك انك هتكسب منها فلوس.لما هتفتح الرابط هتلاقيه بيقولك تجاوب على كام سؤال وطبعا النتايج بتكون واحدة وهى انه في الاخر بيقولك افتح صندوق عشان تكسب وطبعا هتكسب معروفه يعنى.
بعد ما هتكسب هيطلب منك تختار نوع خط تليفونك وبعدها هيطلعلك صفحة مختلفة عند كل واحد فيكم بس المضمون واحد.
حط رقمك عشان كسبت حاجة.. كسبت فلوس او كسبت ايفون
طبعا حضرتك لما تحط رقمك وانت متعرفش ايه ده في النهايه هتلاقي نفسك مشترك في خدمة على خطك ب 4 جنيه كل يوم.
بحسبة بسيطه الشخص اللي عمل الموضوع ده بياخد نسبة من كل اشتراك وطبعا لما عدد كبير من الناس تدخل عليهم الخدمة دى ويتضحك عليهم هو هيطلعله بمبلغ محترم في النهاية.
ودى اساس الخدعه كلها.. الرابط مش هيخترق فونك زى ما اغلب الناس بتقول ولا هيخترق الفيس بتاعك ولا اى حاجه الموضوع كله انه عملية نصب واحتيال بطرق الهندسة الاجتماعية.
شكرا للبنك الأهلي انه طلع بيان عن ان اى روابط من دى لا تخصه بس للأسف المفروض يتكلم عن تفاصيل اكتر عن الرابط ويكون عنده ناس تفهم الجمهور الروابط دى بتعمل إيه بالتفاصيل مش بس يقول ان الرابط مؤذى وخلاص.
تعليقات
إرسال تعليق